عاشرت كتير صحاب
لكن النداله طبع
كتير ياناس انخدع
ومن صحابي انوجع
أفتكره واحد صحيح
لكنه يطلع ربع
عاشرت ياما صحاب
من كل البلاد ياعرب
وقت الفرح حبيبي
ووقت الشدايد هرب
طلع جبان وخروف
مع انه راسم سبع
عاشرت ناس الصحرا
وفي الريف والنجوع
ملاقيتش فيهم رجال
الا اللي مسه الجوع
يفديك بروحه وحياته
ويقول بصوت مسموع
فداك العمر يا صاحبي
النخوة فينا طبع
أنا اللي جاني الودع
خبرني بهمومي
بيعني سيغه مراتي
قلعني في هدومي
ياريت يا صاحبي
الندل بعدت عنك يوم
من قبل ماتخوني
وتطبخلي في سموم
