خلاص مش عايز أشوفك
بلعن جبنك وخوفك
بلعن ضعفك في
نفسك
مش قادر على الفرار
امتى هتاخد القرار
وتبقي أنتا سيد نفسك
محبوس في حضن علبه
أو شاشة من الزجاج
محبوس في وسط قمقم
وعامله برج عاج
كم واحد عاش حكايتك
وأتعلم في النهاية
لكن بعد ما سبته
أتمنى يكون معايا
وصلت بيه السنين
لنفس نقطة يأسك
خلاص مش عايز أحس
انك مني قريب
ياريت تفضل وبس
كده من بعيد لبعيد
هرميك في حضن بكرة
يعمل فيك اللي حابه
وهكون بطل حكايتي
مش واحد أنتا سايبه
هتقولي اني صعيدي
ومنين العند جايبه
محدش فينا مات
حتى ولو ساب حبايبه
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets