بيقولها أرجع ؟
ترجع تروح على فين
كل السكك مقفولة
أنا بعت في ثانيتين
كل اللي فات معقولة؟
مين اللي راح مدرسة
و مدخلش من سنة أولى
بس اللي صابر كمل
موقعش من البرجولة
و اللي مشي في الغلط
وعيونه صبحت حولة
يعمل كتير الغلط
والأم مش مسئولة
يروح يضرب حشيش
أو عضو في المحظورة
ولانه مش ندمان
على جرحي وعذابي
بقى أخرته السجان
ومعاه عصير كابي
هوة اللي فَرق بيني
وبين أهلي واحبابي
مصانشي ليه العهد
ودفني في ترابي
سرق مني اللي حيلتي
وسابني عُزابي
انا اللي ياما صرخت
وقلت ياداهية دقي
امتى هيجي الوقت
وترجعولي انأ حقي
امتى يا أم الدنيا
تحني علينا ترقي
وأنا اللي ياما
كتبت وقلت يا سجان
كلمت كرامة شعب
مش كلمة قالها لسان
انا مش طالب الصدقة
ولا عطف ولا إحسان
لاعمري كنت خسيس
ولا بتاع نسوان
طول عمري كنت شريف
عايش وأنا انسان
ونفسي قبل ما أموت
أشوف البلد عمران
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets