مش هقبل أكون طرطور

مش هقبل بحلم حلمته يتأجل

عشان واحد قالي أنساه

قالي ملكش مستقبل

مش هقبل أكون طرطور

خروف واقف في صف طويل

شايف أحلامه تتلاشى

ومستني يقف في طابور

ومش هقبل أكون نسخة

ولا جملة في وسط سطور

حلفت أكون في يوم نفسي

ولو قالوا لي ليه مغرور

هقول أنا عارف طريق حلمي

وهمشيله واناديله وهيسمعني

ومش هسمح لأحلامي تودعني

ومش هقبل أقف في طابور 

إقرأ المزيـــد

أدوس على قلب بالجزمة ولا أضعف ولا أنذل

أدوس على قلب بالجزمة

 ولا أضعف ولا أنذل

وكل مشكلة ياقلبي

مسيرها يجي يوم تتحل

لا أنا عنتر ولا روميو

 ولا بياع لورد وفل

بقولهالك وأنا مسئول

مش عايزك قصاد الكل

قصايد ياما غنيتها

وقلت الكلمة دي فيها

وجملة اني أنا بحبك

 ولا كأنك سمعتيها

لاني خلاص أنا هبعد

 وقلبي من جراحك مل

أدوس على قلبي بالجزمة

ولا أضعف ولا انذل

وكل مشكلة ياقلبي

 مسيرها يجي يوم تتحل

إقرأ المزيـــد