نفسي اعرف مين اللي قال سلمية
ولا راحت فينا إشعارنا في الوطنية
لما يبقى أتنين واقفين لبعض يا ناس
واحد ماسك له السيف والتاني البندقية
نفسي اعرف مين اللي قال سلمية
وإحنا كل جماعه واخدينها قال جهادية
واللي وسط فريق يصرخ يقول انأ حق
واللي ويا جماعة يقولوا دول بلطجية
نفسي اعرف مين قال على الخراب ده جهاد
وان اللي يقتل أخوه راح يبني في الأمجاد
واللي يخربها اكتر يقولوله ميه مية
واللي يقول ده حرام يلبسوله قضية
فبرك ياتلفزيون وسخن المواضيع
والله دي مش أول مرة أنتا تبيع
لو كل واحد فيك عامل لربه حساب
هيخاف على مصر أحسن
في
لحظة واحدة تضيع في كم مذيع يا بلد
راضعين ذله ووساخة
أول ماكانوا صغار كانوا
يرضعوا ببخاخة
ولما كبروا يدوب أتعلموا التناحة
تناحة وبجاحة وايوة كده يا وديع
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets