الله يرحم زمان
ايام ما كنت بتتمنى انك تبقى ليا
الله يرحم زمان
لفت ايامى وانتا جاى تتنطط عليا
أنسى خلاص مش أنا أنا غيره
نفس الشخص ومات فيه ضميره
يعنى هتقوى عليا وتجرح
راح ارد الجرح بتفاصيله
ايوه بجد انا واحد تانى
كتر الأسى منك خلانى
مهما هشوف ف الدنيا راح اصبر
ومهما وقعت راح أقوم تانى
ولا هتشوف دمعتى ف عنيا
الله يرحم زمان
انتا شيطانك باين غرك
وسط الشر وناره اهوة جرك
وانا لو شفتك مرة بتغرق
مش راح اساعدك ولا هتحرك
انا من بعد الجرح درستك
كنت زمان صياد وفريستك
تنصبلها ميت فخ وفخ
ومشكيتش يوم فى فراستك
لفت ايامى وانتا
جاى تتنطط عليا
الله يرحم زمان
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets