مفيش حد بيقدر
مفيش حد بيفكر
يعني إيه معنى الامان
بنعرف قيمته متأخر
مفيش حد بيقدر
انك تضحى عشانه
وتبيع نفسك وتتغير
ويعيش هوة ف أمانه
اللى كنت فاكرهم منى
هيحسونى ويسألو عنى
كانوا أول ناس بتخونى
نسيوا قلبى ونسيوا حنانه
وسنين العمر تتمرر
ومفيش حد بيقدر
يبقى صغير وانتا تساعده
وبيحلف يفضل على وعده
وأما بيكبر أول حاجة
يرد جميلك ليه ف زمان
طبعا فاكرانه هيشكر
بس خسارة لاقيته بينكر
انك يوم مدتله ايديك
أو حسسته ف يوم بأمان
وتلاقى الجميل اتغير
ولا فيش حد بيقدر
تقابلها ضايعه ومكسورة
وبقلمك ترسمها ف صورة
وتاخدها ف حضنك تبنيها
وتمسح بحر الحزن ف عينها
واما تفوق من صدمة غيرك
وتبقى قمرها وهيا دليلك
متفكرش انها توفيلك
وتخونك زى اللى خاينها
ونفس الجرح يتكرر
ومفيش حد بيقدر
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets