وجع وجع وجع
وياربي مين سمع
عبدك فقير وليه مذلة
أنا الفقير من المحلة
بحلم ببيت على شكل فيلا
وهبني جنبه كمان مصلى
ونفسي في زوجة متكونش عوجة
واحدة زي اللي على المجلة
عبدك فقير وكمان ذليل
عنواني كاتبه من المحلة
يارب سجاد وريش نعام
ومش مهم يكون بكام
خبرك وفير وانا الفقير
تعبت من سريري أبو مول
عبدك فقير ومن المحلة
يارب مر سيدس شبح
عارف يارب صوتي أتنبح
من كتر ما اركب ميكروباص
والسواقين ذلـــــوني ذلـة
ارجوك يا رب أنتا الأمل
عاجز ومش لاقي عمل
انا عندي حلم ونفسي أعيش
انا بيك يارب كل حاجة
ومن غير رضاك
مقدرش أعيش
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets