خلاص بحضر شنطتي
ولازم أسافر
زهقت منها ومن اللي فيها
زهقت من نيلها وحاميها
مع أنها أحلى حاجة في دنيتي
وخيرها وافــــــــــــر
بس خيرها مش في غيرها
وهياخيرها راح لغيرها
وابنها واقف جعان
تحت ايده كل حاجة و بالزيادة
بس سيده الجبان
مانعه عنها أصله منها
واللي منها حاله واقف
التكاتك والمواقف
المدارس حد شافها
بكرة بدر يجيب ضلفها
وتبقى زنازين للعيال
والمشافي شئ خرافي
أصبحت وكر وجبال
مية مغارة في قلب حارة
وأسالوا عـايدة ومنـال
والسجاير والحشيشة
شعب مسطول أحلى عيشة
أنا بس بضرب كم مثال
و
بكرة يحكمكم جــمــــــال
احفظـــو القصيــدة دي
عشان تقول صعـيدي قال
اصله بالعقل افهموها
البرادعي شئ محــــــال
كلماتي
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets