يمكن وعدتك مش هجرحك
بس النهاردة أنا هدبحك
ماتت غلاوتك وظهرت أساوتك
وانا من حياتي انا همسحك
يمكن
وعدتك مش هجرحك
بس
النهاردة أنا هدبحك
بكل كلمة من كلامي هعذبك
على نار جروحي وفوق عذابي هقلبك
لاكان بأمري ولا ع النهاية انا هغصبك
منا كلامي كان زمان بيفرحك
بس
النهاردة أنا هدبحك
انا اللي كنت تقولي قلبي فيك سكن
دلوقتي روحي وقلبي مات اهوه واتركن
وخلي غيري ينفعك
وخلي غيري يدلعك
وخلي غيري يسمعك
وخلي غيري يكون انا
وبكلمة حلوة يصبحك
خدت القرار اللي مفيش بعده الرجوع
أنا مش راجعلك حتى لو هموت واجوع
مفضلش بينا الا الألم ويا الدموع
ومفيش في قلبي ذرة واحدة تفرحك
انا نجم عالي واستحالة هيبقى ليكي
مهما اعتذرتي و مهما بعتي اقرب ماليكي
ياخسارة عمري لما ضاع ضاع بين ايديكي
عيش في وهمك اني يوم راح ارجعك
هتموتي موتي وربنا يرحم عباده
عمري مااسامح اي ناس في جرحي زادو
اديت كتير وكنت الذليل وخلص كفايا
إقـــري وابكي أكييد كلامي هيوجعك
كل حـــــرف من حـــــروفي كتبته ليكي
عمري ما ندمت في حياتي غير عليكي
وعـمــــــري ما دوقت العذاب الا بيكي
ياريت يشوفوا ويارب صوتي يسمعك
يمكن
وعدتك مش هجرحك
بس
النهاردة انا هدبحك
هدوس على نفسي وقلبي وهبقى أسي
انا الوحـــــيد اللي كرامتي أعلى راسي
وأديني بعتك وبسهولة ومش هبقى نادم
يمكن قراري باقي عمرك يصحصحك
يمكن
وعدتك مش هجرحك
بس
النهاردة انا هـــــدبحك
بقلم الشاعر عيد مصطفى
مصري الجنسية عربي الهوية، احب أن أضع كل ما كتبت من أشعار وقصائد ومقالات وكتب ولاأبخل به عليكم، وخطرت لي فكرة عمل مدونة تضم كل كتاباتي ومواضيعي الشعرية وإفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets